Trinummus

Plautus, Titus Maccius

Plautus. Leo, Friedrich

  1. utra ín parte plús sit volúptatis vítae
  2. ad aetatem agundam.
  3. de hac ré mihi satis haú liquet; nisi hóc sic faciam, opínor,
  4. ut utrámque rem simul éxputem, iudéx sim reusque ad eám rem.
  5. ita fáciam, ita placet; omniúm primum
  6. Amóris artis eloquar quem ad modum expediant.
  7. numquam Ámor quemquam nisi cúpidum hominem
  8. postulát se in plagas conícere:
  9. eos cúpit, eos consectátur;
  10. súbdole blanditur ab re cónsulit,
  11. blandíloquentulus, harpagó, mendax,
  12. cuppés, avarus, élegans, despoliator,
  13. latebrícolarum hominum córruptor,
  14. blandus inops célatum indagátor.
  15. nam quí amat quod amat quom éxtemplo
  16. saviís sagittatis pérculsust,
  17. ílico rés foras lábitur, líquitur.
  18. dá mihi hoc, mél meum, sí me amas, si aúdes.
  19. ibi ille cuculus: “ocelle mi, fiat: