Rudens

Plautus, Titus Maccius

Plautus. Leo, Friedrich

  1. ait sése Veneri velle votum solvere
  2. (id hic est Veneris fanum) et eo ad prandium
  3. vocavit adulescentem huc. ipse hinc ilico
  4. conscendit navem, ávehit meretriculas.
  5. adulescenti alii narrant ut res gesta sit,
  6. lenonem abiisse. ad portum ádulescens venit:
  7. illorum navis longe in altum abscesserat.
  8. ego quoniam video virginem asportarier,
  9. tetuli éi auxilium et lenoni exitium simul:
  10. increpui hibernum et fluctus movi maritimos.