Rudens

Plautus, Titus Maccius

Plautus. Leo, Friedrich

  1. retinete porro, post factum ut laetemini.
  2. nunc, huc qua causa veni, argumentum eloquar.
  3. primumdum huic esse nomen urbi Diphilus
  4. Cyrenas voluit. illic habitat Daemones
  5. in agro atque villa proxima propter mare,
  6. senex, qui húc Athenis exul venit, hau malus;
  7. neque is adeo propter malitiam patria caret,
  8. sed dum alios servat se impedivit interim,
  9. rem bene paratam comitate perdidit.
  10. huíc filiola virgo periit parvola.