Rudens

Plautus, Titus Maccius

Plautus. Leo, Friedrich

  1. Vtin istic prius dicat?
Da.
  1. Audi. loquere tu.
Gr.
  1. Alienon prius
  2. quam tuo dábis orationem?
Trach.
  1. Vt nequitur comprimi.
  2. ita ut occepi dicere, illum quem dudum e fano foras
  3. lenonem extrusisti, hic eius vidulum eccillum tenet.
Gr.
  1. Non habeo.
Tr.
  1. Negas quod oculis video?
Gr.
  1. At ne videas velim.
  2. habeo, non habeo: quid tu me curas quid rerum geram?
Trach.
  1. Quo modó habeas, id refert, iurene anne iniuria.
Grip.
  1. Ni istum cepi, nulla causa est quin me condones cruci;
  2. si in mari reti prehendi, qui tuom pótiust quam meum?
Tr.
  1. Verba dat. hoc modo res gesta est ut ego dico.