Pseudolus

Plautus, Titus Maccius

Plautus. Leo, Friedrich

  1. cur conducebas?
Bal.
  1. Inopia: alius non erat.
  2. sed cur sedebas in foro, si eras coquos,
  3. tu solus praeter alios?
Coc.
  1. Ego dicam tibi:
  2. hominum vitio ego sum factus improbior coquos,
  3. non meopte ingenio.
Bal.
  1. Qua istuc ratione?
Coc.
  1. Eloquar.
  2. quia enim, cum extemplo veniunt conductum coquom,
  3. nemo illum quaerit qui optimus et carissimust:
  4. illum conducunt potius qui vilissimust.
  5. hoc ego fui hodie solus obsessor fori.
  6. illi drachmissent miseri: me nemo potest
  7. minoris quisquam nummo ut surgam subigere.
  8. non ego item cenam condio ut alii coqui,
  9. qui mihi condita prata in patinis proferunt,
  10. boves quí convivas faciunt herbasque oggerunt,
  11. eas hérbas herbis aliis porro condiunt:
  12. indunt coriandrum, feniculum, alium, atrum holus,