Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

    Agorastocles
    1. Ain tú tibi dixe Syncerastum, Milphio,
    2. eas ésse ingenuas ambas surrupticias
    3. Charthaginiensis?
    Milphio
    1. Aio, et, si frugi esse vis,
    2. eas líberali iam adseres causa manu.
    3. nam tuom flagitiumst tuas te popularis pati
    4. servire ante oculos, domi quae fuerint liberae.
    Han.
    1. Pro di immortales, opsecro vostram fidem,
    2. quam orationem hanc aures dulcem devorant.
    3. creta est profecto hórum hominum oratio,
    4. ut mi apsterserunt omnem sorditudinem.