Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Invidia in me numquam innatast neque malitia, mea soror.
  2. bono med esse ingenio ornatam quam auro multo mavolo:
  3. aurum, id fortuna invenitur, natura ingenium bonum.
  4. bonam ego quam beatam me esse nimio dici mavolo.
  5. meretricem pudorem gerere magis decet quam purpuram:
  6. magisque meretricem pudorem quam aurum gerere condecet.
  7. pulchrum ornatum turpes mores peius caeno conlinunt,
  8. lepidi mores turpem ornatum facile factis comprobant.
Agor.
  1. Eho tu, vin tu facinus facere lepidum et festivom?
Mil.
  1. Volo.
Agor.
  1. Potesne mi auscultare?
Mil.
  1. Possum.