Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Di immortales omnipotentes, quid est apud vos pulchrius?
  2. quid habetis qui mage immortales vos credam esse quam ego siem,
  3. qui haec tanta oculis bona concipio? nam Venus non est Venus:
  4. hanc equidem Venerem venerabor, me ut amet posthac propitia.
  5. Milphio, heus, ubi es?
Mil.
  1. Assum ápud te, eccum.
Agor.
  1. At ego elixus sis volo.
Mil.
  1. Enim vero, ere, facis delicias.
Agor.
  1. De tequidem haéc didici omnia.
Mil.
  1. Etiamne ut ames eam quam numquam tetigeris?
Agor.
  1. Nihil id quidemst:
  2. deos quoque edepol et amo et metuo, quíbus tamen ábstineo manus.