Poenulus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. omnes meretrices, ubi quisque habitant, invenit;
  2. dat aurum, ducit noctem, rogitat postibi
  3. unde sít, quoiatis, captane an surrupta sit,
  4. quo genere gnata, qui parentes fuerint.
  5. ita docte atque astu filias quaerit suas.
  6. et is omnis linguas scit, sed dissimulat sciens
  7. se scire: Poenus plane est. quid verbis opust?
  8. is heri huc in portum navi venit vesperi,
  9. pater harunc; idem huic patruos adulescentulo est:
  10. iamne hoc tenetis? si tenetis, ducite;
  11. cave dírumpatis, quaeso, sinite transigi.
  12. ehem, paéne oblitus sum relicuom dicere.