Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Prope me hic nescio quis loquitur.
Sat.
  1. O mi Iuppiter
  2. terrestris, te coepulonus compellat tuos.
Tox.
  1. O Saturio, opportune advenisti mihi.
Sat.
  1. Mendacium edepol dicis, atque haud te decet:
  2. nam essurio venio, non advenio saturio.
Tox.
  1. At edes, nam iam intus ventris fumant focula.
  2. calefieri iussi reliquias.
Sat.
  1. Pernam quidem
  2. ius est adponi frigidam postridie.
Tox.
  1. Ita fieri iussi.
Sat.
  1. Ecquid hallecis?
Tox.
  1. Vah, rogas?
Sat.
  1. Sapis múltum ad genium.
Tox.
  1. Sed tu, ecquid meministi, here
  2. qua de re ego tecum mentionem feceram?
Sat.
  1. Memini: ut murena et conger ne calefierent;
  2. nam nimio melius oppectuntur frigida.
  3. sed quid cessamus proelium committere?
  4. dum mane est, omnis esse mortalis decet.