Persa

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. hodie illam faciat leno libertam suam.
  2. sed eccúm parasitum, quoius mi auxilio est opus.
  3. simulabo quasi non videam: ita alliciam virum.
  4. curate istic vos atque adproperate ocius,
  5. ne mihi morae sit quicquam, ubi ego intro advenero.
  6. commisce mulsum, struthea † coluthequam appara,
  7. bene ut in scutris concaleat, et calamum inice.
  8. iam pól ille hic aderit, credo, congerro meus.
Sat.
  1. Me dicit, euge.
Tox.
  1. Lautum credo e balineis
  2. iam hic adfuturum.
Sat.
  1. Vt ordine omnem rem tenet.
Tox.
  1. Collyrae facite ut madeant et colyphia,
  2. ne mihi incócta detis.
Sat.
  1. Rem loquitur meram.
  2. nihili sunt crudae, nisi quas madidas gluttias;
  3. tum nisi cremore crassost ius collyricum,
  4. nihilist, macrum illud epicrocum pellucidum:
  5. quasi †iuream esse ius decet collyricum.
  6. nolo in vesicam quod eat, in ventrem volo.