Mostellaria

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Triennio post Aegypto advenio domum;
  2. credo exspectatus veniam familiaribus.
Tr.
  1. Nimio edepol ille potuit exspectatior
  2. venire, qui te nuntiaret mortuom.
Th.
  1. Sed quid hoc? occlusa ianua est interdius.
  2. pultabo. heus, ecquis intust? aperitin fores?
Tr.
  1. Quis homo est, qui nostras aedes accessit prope?
Th.
  1. Meus sérvos hic quidem est Tranio.
Tr.
  1. O Theopropides,
  2. ere, salve, salvom te advenisse gaudeo.
  3. usquin valuisti?
Th.
  1. Vsque ut vides.
Tr.
  1. Factum optime.
Th.
  1. Quid vos? insanin estis?
Tr.
  1. Quidum?
Th.
  1. Sic, quia
  2. foris ámbulatis, natus nemo in aedibus
  3. servat, neque qui recludat neque † quis respondeat.
  4. pultando pedibus paene confregi hasce ambas foris.
Tr.
  1. Eho an tú tetigisti has aedis?