Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. si ad auscultandum vostra erit benignitas;
  2. qui autem auscultare nolet, exsurgat foras,
  3. ut sit ubi sedeat ille qui auscultare volt.
  4. nunc qua adsedistis causa in festivo loco,
  5. comoediai quam nos acturi sumus
  6. et argumentum et nomen vobis eloquar.
  7. Alazon Graece huic nomen est comoediae,
  8. id nos Latine gloriosum dicimus.
  9. hoc oppidum Ephesust; illest miles meus erus,
  10. qui hinc ad forum abiit, gloriosus, impudens,
  11. stercoreus, plenus periuri atque adulteri.
  12. ait sése ultro omnis mulieres sectarier:
  13. is deridiculost, quaqua incedit, omnibus.
  14. itaque hic meretrices, labiis dum ductant eum,
  15. maiorem partem videas valgis saviis.
  16. nam ego hau diu apud hunc servitutem servio;