Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Quando habebo, igitur rationem mearum fabricarum dabo.
Per.
  1. Vtere, accipe.
Pal.
  1. Accipe a me rusum rationem doli,
  2. quam institui.
Plevs.
  1. Perpurigatis damus tibi ambo operam auribus.
Pal.
  1. Erus meus ita magnus moechus mulierum est, ut neminem
  2. fúisse aeque neque futurum credo.
Plevs.
  1. Credo ego istuc idem.
Pal.
  1. Isque Alexandri praestare praedicat formae suam,
  2. itaque omnis se ultro sectari in Epheso memorat mulieres.
Per.
  1. Edepol qui te de isto multi cupiunt † non mentirier,
  2. sed ego ita esse ut dicis teneo pulchre. proin, Palaestrio,
  3. quam potis tam verba confer maxime ad compendium.
Pal.
  1. Ecquam tu potes reperire forma lepida mulierem,
  2. cui facetiarum cor pectusque sit plenum et doli?
Per.
  1. Ingenuamne an libertinam?