Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. At tibi di faciant bene.
Per.
  1. Ne tu hercle, si te di ament, linguam comprimes
  2. posthac, etiam illud quod scies nesciveris
  3. nec videris quod videris.
Scel.
  1. Bene me mones,
  2. ita facere certum est. sed satine oratus esoratu's?
Per.
  1. Abi.
Scel.
  1. Numquid nunc aliud me vis?
Per.
  1. Ne me noveris.
Scel.
  1. Dedit híc mihi verba. quam benigne gratiam
  2. fecit, ne iratus esset. scio quam rem gerat:
  3. ut miles cum extemplo a foro adveniat domum,
  4. domi cómprehendar. una hic et Palaestrio
  5. me habent venalem: sensi et iam dudum scio.
  6. numquam hercle ex ista nassa ego hodie escam petam;
  7. nam iam aliquo aufugiam et me occultabo aliquot dies,
  8. dum haec consilescunt turbae atque irae leniunt.
  9. nam uni satis populo impio merui mali. —
  10. verum tamen dé me quidquid est, ibo hinc domum.
Per.
  1. Illic hínc abscessit. sat edepol certo scio,