Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. et ibi osculantem meum hospitem cum ista hospita
  2. vidisti?
Scel.
  1. Vidi (cur negem quod viderim?),
  2. sed Philocomasium me vidisse censui.
Per.
  1. Ratun istic me hominem esse omnium minimi preti,
  2. si ego me sciente paterer vicino meo
  3. eam fieri apud me tam insignite iniuriam?
Scel.
  1. Nunc demum a me insipienter factum esse arbitror,
  2. cum rem cognosco; at non malitiose tamen
  3. feci.
Per.
  1. Immo indigne; nám hominem servom suos
  2. domitos habere oportet oculos et manus
  3. orationemque.
Scel.
  1. Egone si post hunc diem
  2. muttivero, etiam quod egomet certo sciam,
  3. dato excruciandum me: egomet me dedam tibi;
  4. nunc hoc mi ignosce quaeso.
Per.
  1. Vincam animum meum,
  2. ne malitiose factum id esse aps te arbitrer.
  3. ignoscam tibi istuc.