Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Et tu bene vale.
Pal.
  1. Ite cito, iam ego adsequar vos: cúm ero pauca volo loqui. —
  2. quamquam alios fideliores semper habuisti tibi
  3. quam me, tamen tibi habeo magnam gratiam rerum omnium;
  4. et, si íta sententia esset, tibi servire malui
  5. multo, quám alii libertus esse.
Pyrg.
  1. Habe bonum animum.
Pal.
  1. Eheu, quom venit mi in mentem, ut mores mutandi sient,
  2. muliebris mores discendi, obliscendi stratiotici.
Pyrg.
  1. Fac sis frugi.
Pal.
  1. Iam non possum, amisi omnem lubidinem.
Pyrg.
  1. I, sequere illos, ne morere.
Pal.
  1. Bene vale.
Pyrg.
  1. Et tu bene vale.
Pal.
  1. Quaeso memineris, si forte liber fieri occeperim
  2. (mittam nuntium ad te), ne me deseras.