Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. It ad nos, volt te profecto.
  2. nauclerus hic quidem est.
Pyrg.
  1. Videlicet accersit hanc iam.
Pal.
  1. Credo.
Plevsicles
  1. Alium alio pacto propter amorem ni sciam
  2. fecisse multa nequiter, verear magis
  3. me amoris causa hóc ornatu incedere.
  4. verum quom multos multa admisse acceperim
  5. inhonesta propter amorem atque aliena a bonis:
  6. mitto iam, ut occídi Achilles civis passus est —
  7. sed eccúm Palaestrionem, stat cum milite:
  8. oratio alio mihi demutandast mea.
  9. mulier profecto natast ex ipsa Mora;
  10. nam quaevis alia quae morast aeque, mora
  11. minor ea videtur quam quae propter mulieremst.
  12. hoc adeo fieri credo consuetudine.