Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. et qui fugitivis servis indunt compedes,
  2. nimis stúlte faciunt mea quidem sententia.
  3. nam homini misero si ad malum accedit malum,
  4. maior lubido est fugere et facere nequiter.
  5. nam se ex catenis eximunt aliquo modo.
  6. tum compediti ánum lima praeterunt
  7. aut lapide excutiunt clavom. nugae sunt eae.
  8. quem tu adservare recte, ne aufugiat, voles,
  9. esca atque potione vinciri decet.
  10. apud ménsam plenam homini rostrum deliges;