Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. iube té piari de mea pecunia.
  2. nam équidem insanum esse te certo scio,
  3. qui mihi molestu'smolestus es homini ignoto, quisquis es.
Cyl.
  1. Cylindrus ego sum: non nosti nomen meum?
Men.
  1. Si tu Cylindrus seu Coriendrus, perieris.
  2. ego te non novi, neque novisse adeo volo.
Cyl.
  1. Est tibi Menaechmo nomen, tantum quod sciam.
Men.
  1. Pro sano loqueris quom me appellas nomine.
  2. sed ubi novisti me?
Cyl.
  1. Vbi ego te noverim,
  2. qui amicam habes eram meam hanc Erotium?
Men.
  1. Neque hercle ego habeo, neque te quis homo sis scio.
Cyl.
  1. Non scis quis ego sim, qui tibi saepissime
  2. cyathisso apud nos, quando potas?
Mess.
  1. Ei mihi,
  2. quom nihil est qui illi homini diminuam caput.
Men.
  1. Tun cyathissare mihi soles, qui ante hunc diem
  2. Epidamnum numquam vidi neque veni?
Cyl.
  1. Negas?
Men.
  1. Nego hercle vero.