Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. hominem inter vivos quaeritamus mortuom;
  2. nam invenissemus iam diu, si viveret.
Men.
  1. Ergo istuc quaero certum qui faciat mihi,
  2. qui sese dicat scire eum esse emortuom:
  3. operam praeterea numquam sumam quaerere.
  4. verum aliter vivos numquam desistam exsequi.
  5. ego illúm scio quam cordi sit carus meo.
Mess.
  1. In scirpo nodum quaeris. quin nos hinc domum
  2. redimus, nisi si historiam scripturi sumus?
Men.
  1. Dictum facessas, datum edis, caveas malo.