Menaechmi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. atque adeo hoc argumentum graecissat, tamen
  2. non atticissat, verum sicilicissitat.
  3. huic argumento antelogium hoc fuit;
  4. nunc argumentum vobis demensum dabo,
  5. non modio, neque trimodio, verum ipso horreo:
  6. tantum ad narrandum argumentum ádest benignitas.
  7. mercator quidam fuit Syracusis senex,
  8. eí sunt nati filii gemini duo,
  9. ita forma simili pueri, út mater sua
  10. non internosse posset quae mammam dabat,