Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. frater mi, salve.
Ther.
  1. Qui credam ego istuc? cedo,
  2. si vera memoras, quae fuit mater tua?
Plan.
  1. Cleobula.
Ther.
  1. Nutrix quae fuit?
Plan.
  1. Archestrata.
  2. ea me spectatum tulerat per Dionysia.
  3. postquam illo ventum est, iam, ut me collocaverat,
  4. exoritur ventus turbo, spectacla ibi ruont,
  5. ego pertimesco: tum ibi mé nescio quis arripit
  6. timidam atque pavidam, nec vivam nec mortuam.
  7. nec quo me pacto abstulerit possum dicere.
Ther.
  1. Memini istanc turbam fieri. sed tu dic mihi,
  2. ubi is est homó qui te surripuit?
Plan.
  1. Nescio.
  2. verum hunc servavi semper mecum una anulum;
  3. cum hoc olim perii.
Ther.
  1. Cedo, ut inspiciam.
Cvrc.
  1. Sanan es,
  2. quae isti committas?