Curculio

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. mane, suffundam aquolam.
Pal.
  1. Viden ut anus tremula medicinam facit?
  2. eapse merum condidicit bibere, foribus dat aquam quam bibant.
Planesivm
  1. Vbi tu es, qui me convadatu'sconvadatus es Veneriis vadimoniis?
  2. sisto ego tibi me et mihi contra itidem tu te ut sistas suadeo.
Phaed.
  1. Assum; nam si absim, haud recusem quin mihi male sit, mel meum.
Plan.
  1. Anime mi, me procul amantem abesse haud consentaneumst.
Phaed.
  1. Palinure, Palinure.
Pal.
  1. Eloquere, quid est quod Palinurum voces?
Phaed.
  1. Est lepida.
Pal.
  1. Nimis lepida.
Phaed.
  1. Sum deus.
Pal.
  1. Immo homo haud magni preti.
Phaed.
  1. Quid vidisti aut quid videbis magis dis aequiparabile?
Pal.
  1. Male valere te, quod mi aegrest.
Phaed.
  1. Male mi morigeru'smorigerus es , tace.
Pal.
  1. Ipsus se excruciat qui homo quod amat videt nec potitur dum licet.
Phaed.
  1. Recte obiurgat. sane haud quicquamst, magis quod cupiam iam diu.
Plan.
  1. Tene me, amplectere ergo.
Phaed.
  1. Hoc etiam est quam ob rem cupiam vivere.