Casina

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. St! tace átque abi; néque paro néque hodie coquetur,
  2. quándo is mi et fílio ádvorsatúr suo
  3. ánimi amorísque causá sui,
  4. flágitium illud hóminis. ego illúm fame, ego illúm siti,
  5. maledíctis, malefáctis amátorem ulcíscar,
  6. ego pól illum probe íncommodís dictis ángam,
  7. fáciam uti proínde ut est dígnus vitám colat,
  8. Ácheruntis pábulum,
  9. flágiti persequentem†
  10. stabulúm nequitiae.
  11. nunc húc meas fortúnas eo quéstum ad vicínam.
  12. séd foris concrépuit, atque eápse eccam egreditúr foras:
  13. non pól per tempus iter húc mi incepi.
Myrrhina
  1. Sequimíni, comites, in próxumum me huc. heus vós, ecquis haec quae lóquor audit?
  2. ego hic éro, vir si aut quispiám quaeret.
  3. nam úbi domi sóla sum, sópor manus cálvitur.
  4. iussín colum ferrí mihi?