Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Edepol tibi ne in quaestione essemus cautum intellego,
  2. ita vinclis custodiisque circum moeniti sumus.
Heg.
  1. Qui cavet ne decipiatur, vix cavet, cum etiam cavet;
  2. etiam cum cavisse ratus est, saepe is cautor captus est.
  3. an vero non iusta causa est, ut vos servem sedulo,
  4. quos tam grandi sim mercatus praesenti pecunia?
Phil.
  1. Neque pol tibi nos, quia nos servas, aequomst vitio vortere,
  2. neque te nobis, sí abeamus hinc, si fuat occasio.