Bacchides

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Ab homine quem mi amicum esse arbitratus sum antidhac.
Pist.
  1. Multi more isto atque exemplo vivont, quos cum censeas
  2. esse amicos, reperiuntur falsi falsimoniis,
  3. lingua factiosi, inertes opera, sublesta fide.
  4. nullus est quoi non invideant rem secundam optingere;
  5. sibi ne ínvideatur, ipsi ignavia recte cavent.