Bacchides

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. benene usque valuit?
Chrys.
  1. Pancratice atque athletice.
Nic.
  1. Quid hoc? qua causa éum in Ephesum miseram,
  2. accepitne aurum ab hospite Archidemide?
Chrys.
  1. Heu, cor meum et cerebrum, Nicobule, finditur,
  2. istius hominis ubi fit quomque mentio.
  3. tun hospitem illum nominas hostem tuom?
Nic.
  1. Quid ita, obsecro hercle?
Chrys.
  1. Quia edepol certo scio,
  2. Volcanus, Luna, Sol, Dies, dei quattuor,
  3. scelestiorem nullum inluxere alterum.
Nic.
  1. Quamne Archidemidem?
Chrys.
  1. Quam, inquam, Archidemidem.
Nic.
  1. Quid fecit?
Chrys.
  1. Quid non fecit? quin tu id me rogas?
  2. primumdum infitias ire coepit filio,
  3. negare se debere tibi triobulum.
  4. continuo ántiquom hospitem nostrum sibi
  5. Mnesilochus advocavit, Pelagonem senem;
  6. eo praésente homini extemplo ostendit symbolum,