Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Scio. tu id nunc refers? iam hic credo eum adfuturum.
Merc.
  1. Qua facie voster Saurea est? si is est, iam scire potero.
Lib.
  1. Macilentis malis, rufulus aliquantum, ventriosus,
  2. truculentis oculis, commoda statura, tristi fronte.
Merc.
  1. Non potuit pictor rectius describere eius formam.
Lib.
  1. Atque hercle ipsum adeo contuor, quassanti capite incedit.
  2. quisque obviam huic occesserit irato, vapulabit.
Merc.
  1. Siquidem hércle Aeacidinis minis animisque expletus incedit,
  2. si med iratus tetigerit, iratus vapulabit.
Leonida
  1. Quid hoc sít negoti, neminem meum dictum magni facere?
  2. Libanum in tonstrinam ut iusseram venire, is nullus venit.
  3. ne ille edepol tergo et cruribus consuluit haud decore.
Merc.
  1. Nimis imperiosust.
Lib.
  1. Vae mihi.
Leon.
  1. Hodie salvere iussi
  2. Libanum libertum? iam manu ?
Lib.
  1. Obsecro te.
Leon.
  1. Ne tu hercle cum magno malo mihi obviam occessisti.
  2. cur non venisti, ut iusseram, in tonstrinam?
Lib.
  1. Hic me moratust.