Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. At censebam attigisse
  2. propterea, huc quia habebas iter. nolo ego fores conservas
  3. meas á te verberarier. sane ego sum amicus nostris.
Merc.
  1. Pol haud periclum est, cardines ne foribus effringantur,
  2. si istoc exemplo omnibus qui quaerunt respondebis.
Lib.
  1. Ita haec morata est ianua: extemplo ianitorem
  2. clamat, procul si quem videt ire ad se calcitronem.
  3. sed quid venis? quid quaeritas?
Merc.
  1. Demaenetum volebam.
Lib.
  1. Si sit domi, dicam tibi.
Merc.
  1. Quid eius atriensis?
Lib.
  1. Nihilo mage intus est.
Merc.
  1. Vbi est?
Lib.
  1. Ad tonsorem ire dixit.
Merc.
  1. Conveni. sed post non redit?
Lib.
  1. Non edepol. quid volebas?
Merc.
  1. Argenti viginti minas, si adesset, accepisset.
Lib.
  1. Qui pro istuc?
Merc.
  1. Asinos vendidit Pellaeo mercatori
  2. mercatu.