Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Ei, non placet convivium.
Amph.
  1. Sine modo argumenta dicat. quid postquam cenavimus?
Alc.
  1. Te dormitare aibas; mensa ablata est, cubitum hinc abiimus.
Amph.
  1. Vbi tu cubuisti?
Alc.
  1. In eodem lectó tecum una in cubiculo.
Am.
  1. Perdidisti.
Sos.
  1. Quid tibi est?
Am.
  1. Haec me modo ad mortem dedit.
Al.
  1. Quid iam, amabo?
Am.
  1. Ne me appella.
S.
  1. Quid tibi est?
A.
  1. Perii miser,
  2. quia pudicitiae huius vitium me hinc absente est additum.
Alc.
  1. Obsecro ecastor, cur istuc, mi vir, ex ted audio?
Amph.
  1. Vir ego tuos sim? ne me appella, falsa, falso nomine.
Sos.
  1. Haeret haec res, si quidem haec iam mulier facta est ex viro.
Alc.
  1. Quid ego feci, qua istaec propter dicta dicantur mihi?
Amph.
  1. Tute edictas facta tua, ex me quaeris quid deliqueris.
Alc.
  1. Quid ego tibi deliqui, si, cui nupta sum, tecum fui?
Amph.
  1. Tun mecum fueris? quid illac impudente audacius?