Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Quadrigas si nunc inscendas Iovis
  2. atque hinc fugias, ita vix poteris effugere infortunium.
Sos.
  1. Nonne erae meae nuntiare quod erus meus iussit licet?
Merc.
  1. Tuae si quid vis nuntiare: hanc nostram adire non sinam.
  2. nam si me inritassis, hodie lumbifragium hinc auferes.
Sos.
  1. Abeo potius. di immortales, obsecro vostram fidem,
  2. ubi ego perii? ubi immutatus sum? ubi ego formam perdidi?