Dialogi

fera paululum — cerneres imperatam a Deo — modesta secessit et constitit, dum ille attigua ramis humilioribus poma decerperet. cumque plenam palmulis manum obtulisset, adcurrit bestia accepitque tam libere quam nullum animal [*]( 1 holeribus AF (et sic ckincepB): oleribus v 3 ferunt tres Gisel. libri: fecerunt A, deperisse (dephendisse F corr.) ferunt FQ, item alii interpolate 1\\ pecude Rosw. et cod. Berol. 6 uiuere BM II uiderimus AFM: uideremus v || ex his AF 7 cum domino suo Bosweydus 8 sanctus ille Rosw. 9 credetis de Prato II praeparabantur A et ed. Aldina: praeparabatur Fv 12 inclinante iam F II palmae cod. Berol. 14 habentur quod tamen utrum cod. Venetus aptid de Prato 15 soli B: solis AFMfJ 16 nisi AFM: nisi si edd. 17 praeparauerit Rosw. 18 succedant BM: succeduut AFt), succrescant coni. de Prato 20 humanitatis nostri duc. A pr. m. fort. ex humanitas hospitis n. duc. (hosp. n. duc. hum. B) 22 ille om. F 23 ut cerneres ed. Ald., ut est infra c. 14, 5 || imperata F 24 secessit ed. Ald. et M: discessit AFt) 25 palmolis F corr. 26 occurrit AFQ )

Alium aeque singularem uirum uidimus, paruo tugurio, in quo non nisi unus recipi posset, habitantem. de hoc illud ferebatur, quod ei lupa solita esset adstare cenanti, nec facile umquam bestia falleretur, quin illi ad legitimam horam refectionis occurreret et tam diu pro foribus expectaret, donec ille panem, qui cenulae superfuisset, offerret: illam manum eius lambere solitam, adque ita quasi inpleto officio et praestita consalutatione discedere.

sed forte accidit, ut sanctus ille, dum fratrem, qui ad eum uenerat, deducit abeuntem, diutius abesset et nonnisi sub nocte remearet. interim bestia ad consuetudinarium illud cenae tempus occurrit. uacuam cellulam, cum familiarem patronum abesse sentiret, ingressa, curiosius explorans ubinam esset habitator. casu contigua cum panibus quinque palmicia fiscella pendebat.

ex his unum praesumens deuorat, dein perpetrato scelere discedit. regressus eremita uidet sportulam dissolutam, non constantem panum numerum: damnum rei familiaris intellegit ac prope limen panis absumpti fragmenta cognoscit.