Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Praeruptum conuoluit iter caligine mortis,
  2. Innumeraeque illam penetrant per prona cateruae!
  3. Vitalis uastis stipatur semita saxis,
  4. Celsaque uix paucos ducit per scrupea uirtus.
  5. At si quos nimium fallax inlexque malorum
  6. Planities suasit deformi lubrica lapsu,
  7. Adripit hos pronosque trahit uelut impetus amnis,
  8. Aut alacer sonipes ruptis effrenus habenis,
  9. Aut rectoris egens uentosa per aequora puppis.
  10. Obseruate illos, falso qui nomine uobis
  11. Insidias faciunt appellanturque profetae.
  12. Hos ouium species uestit, sed saeua luporum
  13. Pectora fraude tegunt, lacerantque incauta trahentes
    14. [*]( 689] cf. Verg. Aen. VI 335. )[*]( 672 regidi M1, ridigi P 674 homini Poelm. in mg. digne] donet C; an donet Quae? 676 cupitis ex cupidis C 679 DE ANGVSTA ET LATA VIA B super aethera C (sidera eras.), supra (pro. in ras.) sidera M, super aethera MLB1, supra sidera rell. 680 quod Poelm. in mg. 682 penitrant Ml 683 strictis VI 684 ducet RXIX,VI Bb G scropea M et alii 685 quos] nos Hl 686 plenities R labsu C 687 adripit BI, abripit R2ML; arreptos Mp1, pronosque pcites B cg (uelut s. 1. m. al.) M amnes KXK7T 688 effrenos Rl (-us m. 2), effrenis BlL, efrenis.H abenis C, habens MlP, abneis L 689 agens L pupis BIP 690 ADTENDITE A FALSIS PROPHETIS B et illos XI (m. 1) nomina (m. 1) K2T qui falso Hl 691 profetae C (passim) T 693 incautos Ml )
    37
  14. Agmina cedentum, saeuus quos decipit error.
  15. Fructibus e propriis noscuntur talia monstra;
  16. Quemque petat finem fallax doctrina uidendum est.
  17. Nam neque de tribulis ficus nec sentibus uuas
  18. Prouenisse umquam ruris per terga notastis.
  19. Utque arbor proprio uestitur germine pomi,
  20. Sic dolus illorum fructu monstrante patescit.