Epistulae

Quantum gaudii super ordinatione pontificatus tui sancto Innocentio presbytero et nuntium et litteras tuae beatitudinis perferente susceperim, ambigere non potest tua reuerentia, cum olim mutuo iungamur affectu et ante coeperimus nos amare quam nosse interiorque homo ita sibi coniunctus sit, ut [*]( 1 emendatis e1 2 mobeor $ sciam] add. non e1 4 noticia e1 5 et ius Br. eius codd. eglesiastice I?T fori] fieri e1 7 superue ^ elugubrata e\\ post uerbositate transponi uult Engelbrecht 8 uerbositatem ß una] humanae1 forsitan Br. foram e1 lugubratiucula (sic) e1 lucubraticula $ 9 dictionem ß confutanda Br. —dam codd. quohortaris $ coartaris e1 10 asello om. e1 bonus el accumen e1 11 poenitus e1 deserunt ^ assidua e1 adsidue ß moruorum $ 12 deuilitate$debilitatem e1 incolomem ß mei] nomen e1 13 clementiam ß ) [*](ß = Escorialensis cE 114 s. VIII—IX. ) [*](Hanc epistulam primus edidit D. D. de Bruyne, Revue Benedicline XXVII (1910) p. 4-5 (= Br.) ) [*]( 17 iheronimus ß 18 gaudiis$20 referentia % )

haec sola res dolorem nostrum super dormitione sanctae ac uenerabilis uirginis Christi Eustochiae mitigauit, nisi quod et in hoc tristitia non minor sit, quod tanto nobiscum priuata sit gaudio. quo enim illa, si hoc in corpore constituta audire meruisset, gestisset gaudio, quibus precibus et gratiarum actione Christi clementiam flagitasset, quod sanctum ac uenerabilem parentem suum apostolicae cathedrae successorem esse didicisset!

infans Paula, quae in tuis nutrita est manibus, quasi pignus sanctae ac uenerabilis memoriae Laetae nostris est inposita ceruicibus; quod onus utrum ferre ualeamus, domini est scire, quem futura non fallunt, in nobisque nihil opis est praeter sanctam uoluntatem, quae non rerum effectu sed desiderio animi conprobatur.