Epistulae

sed absit hoc sapere. utrisque enim debebat caritatem de corde puro et conscientia bona et fide non ficta. ac per hoc omnibus omnia factus est, ut omnes lucrifaceret non mentientis astu, sed conpatientis affectu, id est non omnia mala hominum fallaciter agendo, sed aliorum omnium malis omnibus, tamquam si sua essent, misericordis medicinae diligentiam procurando.I

Cum itaque illa testamenti ueteris sacramenta etiam sibi [*]( 8 * I Tim. 4, 4 17 d. Rom. 11, 17 24cf. ITim.1,5 25cf. IOor. 9,22 ) [*](2 ego om. i 3 est om. $ et in illa in 5 4 prud.] add. celebrabat m21) 7 hi Õ, 10 precipitur$11 uiro] uero -P fideli-nihil om.z non] nec aS fl, 14 cerimoniaque ^5 15 preputium uerag atque g tamen om. β 16 et H in ras. m21) 18 seruabit ℬ,ηa.c.m2 obseruauit g 20 uel. sim. g ostendit βΗ 21 agit] ait i) 22 in pectore claudit g promittit l) 25 mentisβ 26 astus õ H hom.-malisom. õ 27 omnium] hominum $ omnibus] hominibus g tfl )

tunc autem non mentientis- astu, sed conpatientis affectu Iudaeis tamquam Iudaeus fiebat, quando eos ab illo errore, quo uel in Christum credere nolebant uel per uetera sacerdotia sua caerimoniarumque obseruationes se a peccatis posse mundari fierique saluos existimabant, sic liberare cupiebat, tamquam ipse illo errore. teneretur; diligens utique proximum tamquam se ipsum et haec aliis faciens, quae sibi ab aliis fieri uellet, si hoc illi opus esset. quod cum dominus monuisset, adiunxit: haec est enim lex et prophetae.

Hunc conpatientis affectum in eadem epistula ad Galatas praecipit dicens: si praeoccupatus fuerit homo in aliquo delicto, uos, qui spiritales estis, instruite huius modi in spiritu lenitatis intendens te ipsum, ne et tu tempteris.

uide, si non dixit fieri tamquam ille, ut illum lucrifacias, non utique, ut ipsum delictum fallaciter ageret aut se id habere simularet, sed ut in alterius delicto, quid etiam sibi accidere posset, adtenderet atque ita alteri, tamquam sibi ab altero uellet, misericorditer subueniret, hoc est non mentientis astu, sed conpatientis affectu. sic Iudaeo, sic gentili, sic cuilibet homini Paulus in errore uel peccato aliquo constituto non simulando, quod non erat, sed conpatiendo, quia esse potuisset, tamquam qui se hominem cogitaret, omnibus omnia factus est, ut omnes lucrifaceret.