Heptateuchos
Cyprianus Gallus
Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.
- clauditur auratae quiddam munimine thecae,
- quod uideat generanda manus olimque futura
- \'ac uenerata deum uictum miretur auorum. [*](700) [*](1 )
- post haec signa mouent longumque educitur agmen
- ad uitam, quae sole calens atque indiga lymphae [*]( 2 )
- mordaces populum fecit depromere uoces
- in procerem, dum poscit aquam; nec murmure solo, [*]( 4 )
- sed paene est grassata manu; nam saxa sacerdos [*](705)
- in semet iaculanda timens emittit ad altum
- uerba deum siccisque implorat syrtibus amnes. [*]( ó )
- ilicet instinctus domini sententia magni
- maiores pariter natu praecedere mandat;
- tum uirgam capit adsuetam, qua sistere fluctus [*](710)
- nouerat et medio pontum diducere uallo; [*]( 6 )
- Chorebumque petit montem, qui plurimus extat
- sacratumque caput uicina ad nubila tollit. [*](713)
- illic dura silex conclusas saepserat undas, —
- quam super adstabat dominus fontesque ciebat [*](714)
- uirtutum ratione pari, qua flumina toto [*](715)
- distinxit mundo inmensa et marmora fudit.