de consulatu Stilichonis
Claudian
Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.
- excipe magnanimum pectus, quo frena reguntur
- imperii, cuius libratur sensibus orbis.
- OS sacrum, quod in acre colis, miraris in auro,
- cerne libens : hic est felix bellator ubique,
- defensor Libyae, Rheni pacator et Histri.
- Ostentare suos prisco si more labor es
- et gentes cuperet vulgo monstrare subactas, 15
- certassent utroque pares a cardine laurus :
- haec Alamannorum spoliis, Australibus ilia
- ditior exuviis ; illinc flavente Sygambri
- caesarie, nigris hinc Mauri crinibus irent.
- ipse albis veheretur equis currumque secutus
- laurigerum festo fremuisset carmine miles.
- hi famulos traherent reges ; hi facta metallo
- oppida vel montes captivaque flumina ferrent.
- hinc Libyci fractis lugerent cornibus amnes ;
v.2.p.44