de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. inde catenate gemeret Germania Rheno. 25
  2. sed non inmodicus proprii iactator honoris
  3. consul, Roma, tuus. non illum praemia tantum
  4. quam labor ipse iuvat ; strepitus fastidit inanes
  5. inque animis hominum pompa meliore triumphat.
  6. Non alium certe Romanae clarius arces
  7. suscepere ducem, nec cum cedente rediret
  8. Fabricius Pyrrho nec cum Capitolia curru
  9. Pellaeae domitor Paullus conscenderet aulae.
  10. nec similis Latias patefecit gloria portas
  11. post Numidas Mario, post classica Martis Eoi
  12. Pompeio. nulli pars aemula defuit umquam,
  13. quae gravis obstreperet laudi, stimulisque malignis
  14. facta sequebatur quamvis ingentia livor :
  15. solus hie invidiae fines virtute reliquit
  16. humanumque modum. quis enim livescere possit, 40