de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. cum longi Libyam tandem post funera belli
  2. ante suas maestam cogeret ire rotas :
  3. advexit reduces secum Victoria Musas
  4. et sertum vati Martia laurus erat.
  5. Noster Scipiades Stilicho, quo concidit alter
  6. Hannibal antiquo saevior Hannibale,
  7. te mihi post quintos annorum Roma recursus
  8. reddidit et votis iussit adesse suis.
v.2.p.42
  1. Quem populi plausu, procerum quem voce petebas,
  2. adspice, Roma, virum. iam tempora desine longae
  3. dinumerare viae visoque adsurgcre semper
  4. pulvere : non dubiis ultra torquebcre votis.
  5. totus adest oculis, aderat qui mentibus olim,
  6. spe maior, fama melior. venerare curulem,
  7. quae tibi restituit fasces ; complectere dextram,
  8. sub iuga quae Poenos iterum Romana redegit.