Epistulae imperatorum pontificum aliorum

hanc etiam spem gerimus uniuersi, quod gratia dei, quae semper sedi uestrae permansit et permanet, huiusmodi uobis inspirationem bonitatis praebeat, ut mansuetudine et dispensatione uestra reliquum adhuc corpus, quod habetur infirmum, sicut superius a nobis dictum est, uestro medicamine unitate recepta iungatur.

specialiter autem deprecamur pontificium uestrum, ut pro nobis benigno patris animo orare iubeatis.