Epistulae imperatorum pontificum aliorum

EUFIMIA AUGUSTA HORMISDAE PAPAE. Beatitudinis tuae litteras grato iocundoque suscepimus animo. quem etenim non solum apostolicae sedis auctoritas celebrat sed uitae quoque commendat integritas et studiosa rectae fidei sollertia, huius uerba quis non libentissimis suscipiet auribus?

igitur poscimus ac monemus, ut orationibus uestris numquam excedat nomen meum ac praecipue serenissimi coniugis nostri sed tam utrique nostrum quam rei publicae supernum precibus uestris placetur praesidium.