Ludus Septem Sapientum

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. hodie in orchestram palliati prodeunt,
  2. quid erubescis tu, togate Romule,
  3. scaenam quod introibunt tam clari viri?
  4. nobis pudendum hoc, non et Atticis quoque:
  5. quibus theatrum curiae praebet vicem.
  6. nostris negotis sua loca sortito data:
  7. campus comitiis, ut conscriptis curia,
  8. forum atque rostra separat ius 1 civium,
  9. una est Athenis atque in omni Graecia
  10. ad consulendum publici sedes loci,
  11. quam in urbe nostra sero luxus condidit,
  12. aedilis olim scaenam tabulatam dabat
  13. subito excitatam nulla mole saxea.
  14. Murena sic et Gallius: nota eloquar,
  15. postquam potentes nec verentes sumptuum
  16. nomen perenne crediderunt, si semel
  17. constructa moles saxeo fundamine
  18. in omne tempus conderet ludis locum:
    19. v.1.p.314
  19. cuneata crevit haec theatri inmanitas:
  20. Pompeius hanc et Balbus et Caesar dedit