Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. dum sedet et siccat madidas in carcere pinnas,
  2. contemnunt mediam temeraria lina Charybdim.
  3. vos anguilla manet longae cognata colubrae,
  4. aut glacie aspersus maculis Tiberinus, et ipse
  5. vernula riparum, pinguis torrente cloaca.
  6. et solitus mediae cryptam penetrare Suburae.
  7. Ipsi pauca velim, facilem si praebeat aurem.
  8. ‘nemo petit, modicis quae mittebantur amicis
  9. a Seneca, quae Piso bonus, quae Cotta solebat
  10. largiri; namque et titulis et fascibus olim
  11. maior habebatur donandi gloria, solum
  12. poscimus ut cenes civiliter, hoc face et esto,
  13. esto, ut nunc multi, dives tibi, pauper amicis.’
  14. Anseris ante ipsum magni iecur, anseribus par
  15. altilis, et flavi dignus ferro Meleagri
  16. spumat[*](spumat PSA: fumat Ψ.) aper. post hunc tradentur tubera, si ver
  17. tunc erit et facient optata tonitrua cenas
  18. maiores. tibi habe frumentum, Alledius inquit,
  19. o Libye, disiunge boves, dum tubera mittas.
  20. Structorem interea, nequa indignatio desit,