Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- Ille trahens gemitum tantis ac vocibus impar,
- quamquam iura deum[*](iura deum M, iura adeum V | et sacri Pius, est acri V ) et sacri sibi conscia pacti
- religio dulcisque movent primordia taedae,
- cunctatur mortemque cupit sociatmque pericli
- cogitat--- [*](post cogitat duo hemistichia intercidisse statuit Schenkl )
- ---haut ultra sociis obsistere pergit.
- haec ubi fixa viris, tempus fluctusque quietos
- exspectant: ipsam interea, quid restet, amantem
- ignorare sinunt decretaque tristia servant.
- Sed miser ut vanos, veros ita saepe timores
- versat amor fallique[*](fallique M, fallitque V ) sinit nec virginis annos.
- ac prior ipsa dolos et quamlibet intima sensit
- non fidi iam signa[*](signa M, signi V ) viri nimiumque silentes
- una omnes. haut illa[*](illa M, ulla V ) sui tamen immemor umquam
- nec subitis turbata minis prior occupat unum
- Aesoniden longeque trahit, mox talibus infit:
- 'me quoque, vir, tecum[*](uir, tecum T, uittae cum V, quid tecum—movent? Liceat Heinsius, quid tecum—novent, liceat Thilo ) Minyae, fortissima pubes,
- nocte dieque movent. liceat cognoscere tandem,
- si modo Peliacae non sum captiva carinae
- nec dominos decepta sequor consultaque vestra
p.196