Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quin omnes alii[*](alii Bon. 2, alti VM | populusque Bentley, sed cf. V 405 ) pariter populique patresque
  2. mecum adsunt. magni virgo ne regia Solis
  3. Haemonii thalamos adeas despecta mariti,
  4. tot decuit coiisse[*](coiisse Bon. 2, coire V | fulgere M 2, fulgurae V ) rates, tot fulgere taedas.'
  5. Dixerat atque orans iterum ventosque virosque
  6. perque ratis supplex et remigis ---
  7. vexilla magistris.[*](duo hemistichia excidisse vidit Leo; iam antea suppleverat Sudhaus per... remigis ipse recentis transtra ruit panditque novis vexilla magistris, quod comprobatur Stat. Theb. V 403 sqq. )
    8. p.192
  8. illi autem intorquent truncis frondentibus[*](frondentibus M, frondibus V ) undam,
  9. quaeque die fuerat[*](fuerat M, furat V ) raptim formata sub uno
  10. et tantum deiecta suis a montibus[*](a montibus M, amontibur V ) arbor
  11. (quid dolor et veterum potuit non ira virorum?)
  12. haud longis iam distat aquis, sequiturque volantem
  13. barbara Palladiam puppem ratis, ostia done
  14. Danubii viridemque[*](uiridemque M, uirilegemque V ) vident ante ostia Peucen
  15. ultimaque adgnoscunt Argoi cornua mali.
  16. tum vero clamorem omnes inimicaque tollunt
  17. gaudia, tum gravior remis fragor, ut procul Argo
  18. visa viris, unamque petunt rostra omnia puppem.
  19. princeps navalem nodosi roboris uncum
  20. arripit et longa Styrus prospectat ab unda