Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Absyrtus subita praeceps cum classe parentis
  2. advehitur profugis infestam lampada Grais
  3. concutiens, diroque[*](diroque Baehrens, diramque V | sororem M, sonorem V ) premens clamore sororem
  4. atque 'hanc, o siquis vobis dolor iraque, Colchi,
  5. adcelerate viam; neque enim fugit aequore raptor
  6. Iuppiter aut falsi sequitur vestigia tauri.
  7. puppe (nefas) una praedo Phrixea reportat
  8. vellera; qua libuit remeat[*](remeat T, tremeat V ) cum virgine; nobis
  9. (o pudor) et muros et stantia tecta reliquit.
  10. quid mihi deiide satis? nec quaero vellera nec te
  11. accipio, germana, datam; nec foederis ulla
  12. spes erit aut irae quisquam modus. inde reverti
  13. patris ad ora mei tam parvo in tempore fas sit'?
  14. quinquaginta animae me scilicet unaque[*](unaque M, una V ) mersa
  15. sufficiet placare ratis? te, Graecia fallax,
  16. persequor atque tuis hunc quasso moenibus ignem;
  17. nec tibi digna, soror, desum ad conubia frater,[*](frater Bon. 1, pater V )
  18. primus et ecce fero quatioque hanc lampada vestro
  19. coniugio, primus celebro dotalia[*](dotalia M, datalia V ) sacra,
  20. qui potui; patriae veniam da,[*](da M, de V ) quaeso, senectae.