Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quis modo tam[*](tam cod. Bon., iam V ) saevos adytis fluxisse cruores
  2. cogitet? aut ipsi qui iam meminere ministri?
  3. inde ubi sacrificas[*](sacrificas M, sacrificans V ) cum coniuge venit ad aras
  4. Aesonides unaque adeunt pariterque precari
  5. incipiunt, ignem Pollux undamque iugalem
  6. praetulit, et dextrum pariter vertuntur in orbem.
  7. sed neque se pingues tum candida flamma per auras
  8. explicuit, nec tura videt concordia Mopsus,
  9. promissam nec stare fidem,[*](fidem M, fides V ) breve tempus amorum.
  10. odit utrumque simul, simul et miseratur utrumque
  11. et tibi tum[*](tum V, iam Bon. 1 ) nullos optavit, barbara, natos.
  12. mox epulas et sacra parant; silvestria laetis
  13. praemia venatu facili quaesita supersunt;
  14. pars veribus, pars undanti despumat aeno.
  15. gramineis ast inde toris discumbitur, olim
  16. Hister anhelantem Peucen quo presserat antro.
  17. ipsi inter medios rosea radiante iuventa
  18. altius inque sui sternuntur velleris auro.
    19. p.191
  19. Quis novus inceptos timor impediit[*](impediit M, inpendit V ) hymenaeos
  20. turbavitque toros et sacra calentia rupit?