Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ac primum socios ausus sua pacta docere
  2. promissamque fidem thalami foedusque iugale.
  3. ultro omnes laeti instigant meritamque fatentur.
  4. ipse[*](ipse Balbus, Ipsa V ) autem invitae iam Pallados erigit aras
  5. incipit Idaliae numen nec spernere divae,
  6. praecipueque sui, siquando, in tempore pulcher
  7. coniugii[*](Coniugii M, Coniugi V ) Minyas numquam magis eminet inter:
    8. p.190
  8. qualis sanguineo victor[*](uictor M, om V, fort. gradiens vel veniens vel rediens) Gradivus ab Hebro
  9. Idalium furto subit aut dilecta Cythera,
  10. seu cum caelestes Alcidae invisere mensas
  11. iam vacat et fessum Iunonia sustinet[*](sustinet M, stistinet V ) Hebe.
  12. adnuit unanimis[*](adnuit unanimis Meyncke, Adsunt unanimes V ) Venus, hortatorque Cupido
  13. suscitat adfixam maestis Aeetida curis;
  14. ipsa suas illi croceo subtegmine vestes
  15. induit, ipsa suam duplicem Cytherea coronam
  16. donat et arsuras alia cum virgine gemmas.
  17. tum novus implevit vultus honor, ac sua flavis
  18. reddita cura[*](cura M, curo V ) comis, graditurque oblita malorum.
  19. sic ubi Mygdonios planctus sacer[*](planctu sacer V ) abluit Almo,
  20. laetaque iam Cybele festaeque per oppida taedae,