Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Cyaneasque vocat, meminique,[*](meminique Bon. 1, meminitque V | tuorum M 2, tioium V ) o Tiphy, tuorum
  2. saxa per illa, pater, memini, venerande, laborum.
  3. mutandum, o socii, nobis iter; altera ponti
  4. eluctanda via et cursu, quem fabor, eundum est.
  5. haud procul hinc ingens Scythici ruit exitus Histri,
  6. fundere non uno tantum quem flumina cornu
  7. accipimus; septem exit aquis, septem ostia pandit.
  8. illius adversi nunc ora petamus et undam,
  9. quae[*](Quae M, Quaem V ) latus in laevum ponti cadit; inde sequemur
  10. ipsius amnis iter, donec nos flumine certo
  11. proferat inque aliud reddat mare. sint age tanti,
  12. Aesonide, quaecumque morae quam saeva subire
  13. saxa iterum, quam Cyaneos perrumpere montes;
  14. sat mihi: non totis Argo redit[*](reddit M 1, reddit V ) ecce corymbis.'
  15. haec ait ignarus fixas iam numine rupes
  16. stare neque adversis ultra concurrere saxis.
  17. reddidit Aesonides:'et te,[*](te M, de V ) fidissime rector,
    18. p.189
  18. haud vani tetigere metus, nec me ire recuso
  19. longius et cunctis redeuutem ostendere terris.'
  20. protinus inde alios flectunt regesque locosque